Hitz lauz

by Jon Gurrutxaga

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      €7 EUR  or more

     

1.
04:09
2.
3.
4.
5.
6.
05:04
7.
02:55
8.
9.
04:54
10.

about

Beasaingo Pottoko estudioan grabatu eta nahastua 2014ko ekaina eta abuztua bitartean.
Soinu ingeniaria: Fredi Pelaez
Produkzioa: Fredi Pelaez eta Jon Gurrutxaga

Partaideak:

Fredi Pelaez: Hammond-a eta pianoa
Miguel Laguna: gitarra elektrikoa
Keu Agirretxea: Gitarra elektrikoa eta gitarra akustikoa
Patxi Zabaleta: Gitarra elektrikoa
Iñigo Gorritxategi: Baxua
Gorka Escauriaza: Baxua
Mikel Azkargorta: Baxua
Tana Santana: Kontrabaxua
Jon Gurrutxaga: Ahotsa, gitarra akustikoa, bateria eta perkusioa, harmonika.

Hitzak:
Xabi Lasa, Uxue Agirre, Iñaki Gurrutxaga eta Jon Gurrutxaga.

Kantu guztien musika Jon Gurrutxagak sortua.
Gitarra elektriko, baxu eta teklatuen konponketak diskoan parte hartu duten musikariek egin dituzte.

Eskerrak: parte hartu duzuen lagun musikari guztiei, kantuak hain dotore janzteagatik; melodiei hitzak jarri dizkiozuen lagunei; Keu, Patxi eta Xabi-ri emandako animo eta laguntza guztiagatik; osaba eta izebari demoak sortzeko ganbara estudio bihurtzen uzteagatik; Freddy Agirretxeari promorako egindako argazki saioagatik; Elur Arrietari, beti bezala, perkusio txikia uzteagatik; eta orokorrean, bidean era batera edo bestera lagundu didazuen guztiei.

Eskerrik beroenak familiari eta nire bizitzako motorra diren Andrea, Xuban eta Jakesi.

KONTRATAZIOA eta ARTISTAREKIN HARREMANA:

Posta elektronikoa: jongurrutxagamusika@gmail.com
Telefonoa: 667307196 (Jon)

credits

released October 25, 2014

tags

license

all rights reserved

about

Jon Gurrutxaga Elgoibar, Spain

Jon Gurrutxagak Arima Beltza blues&rock taldean hasi zuen bere musika ibilbidea bateria eta abeslari bezala. Talde gipuzkoarrarekin EP bat eta bi disko luze argitaratu ostean UEK hirukotean izan zen bateriajole gisa. Ondoren, Jon & Sugramas proiektua sortu zuen, bere bakarkako ibilbidearen aurrekaria izango zen proiektua.

Jon Gurrutxaga is a basque musician who loves blues, classic rock...
... more

contact / help

Contact Jon Gurrutxaga

Streaming and
Download help

Track Name: Azala
AZALA
(Musika: Jon Gurrutxaga / Hitzak: Xabi Lasa)

Harri bat emango eskura?
Harri bat, eskuetan mendeak sentitzeko
Gorantza hasiko dugun bidea egiteko

Balbea, mamu abisala
Osinik beltzeneko animalia itsua
Bidai honetan hilotzen gidari zaitudana

Eta azal bihurtzen garen heinean, azaleratzen
Arroilen azken arteka artean, urrun ehorzten
Utzidazu azal bihurtzen eta... une izaten


Zimurretan bildu ditut
Zure musu eta mezuetan esanak
Gorako bidaia honetan mapa ditudanak

Eta azal bihurtzen garen heinean, azaleratzen
Arroilen azken arteka artean, urrun ehortzen
Utzidazu azal bihurtzen eta... une izaten
Track Name: Iragana beti jarraika
IRAGANA BETI JARRAIKA
(Musika: Jon Gurrutxaga / Hitzak: Uxue Agirre)

Zerua ilun dago oraino
Ez da entzuten urratsen oihartzuna baino

Tren geltoki zaharretako xarma
Areagotu egiten da ordu txikien itzalean

Maleta batean bizitza sartzea
Malko bakarrak barruko min guztia biltzea posible ote da?

Iragana beti jarraika
Gure itzalean bizi da
Gure itzalaren gerizpean
Gaztetako kimera sekretuak etengabe loratzen dira

Itzulerarik gabeko bidaia da
Nahi ta ez, denboraren bagoia, joan badoana

Errailak nora joan, hara doa
Trenaren kirrinka itoa ta bere gerizpe leiala

Iragana beti jarraika
Gure itzalean bizi da
Gure itzalaren gerizpean
Gaztetako kimera sekretuak etengabe loratzen dira
Track Name: Distantzia, bidea, zu eta ni
DISTANTZIA, BIDEA, ZU ETA NI
(Musika: Jon Gurrutxaga / Hitzak: Xabi Lasa)

Pauso laburrean
Oinetako huts bat
Erabakiak baino ez
Zorua, bestela, zer?

Uneak bizi asmoz
Lerratuta bizitzerik nahi ez

Atseden luzez beteta
Dakart oroimena
Begietan labainka
Doakit naizena

Uneak bizi asmoz
Lerratuta bizitzerik nahi ez
Ezina kantatzeko
Hitz baten atzetik...

Ahaztu dena
Dena ahantzi
Bideak haina
Ezerk al du merezi?
Ahaztu dena
Dena ahantzi
Distantzia, bidea, zu eta ni

Leihotik bota ditut
Gure apirilak
Leihotik behera bota
Ustezko amets hilak

Uneak bizi asmoz
Lerratuta bizitzerik nahi ez
Ezina kantatzeko
Hitz baten atzetik...
Track Name: Desirak eta gezurrak
DESIRAK ETA GEZURRAK
(Musika: Jon Gurrutxaga eta Arima Beltza / Hitzak: Patxi Zabaleta eta Jon Gurrutxaga)

Zure irribarra eta begirada
Ez ziren zenituen altxor bakarrak
Solaskide ona, gorputz ederra
Ninduzun eraman zure sarera

Zure muxuak, zure laztanak
Gaba eroak, ahaztezinak

Guztia eman nizun, salbuespenik gabe
Gertatzen ari zena susmatu arren
Gure artekoa amaitzen ari zen
“Noren errua ote?”, ni naiz galdetzen

Zure damuak, zure malkoak
Maitea, ez dira nahikoak

Zu zintudan desira
Ta ardi larruz zinen jantzita
Saminaren haziak
Gorrotoz bete dit bihotza

Ez dut begirada jaisten, ez naiz lotsatzen
Besteen esanak ditut baztertzen
Ez zara bakarra, zuk hala uste arren
Zelaian bada beste lorerik hazten

Zure gezurrak, truku maltzurrak
Sentimenipeko berba antzuak

Zu zintudan desira
Ta ardi larruz zinen jantzita
Saminaren haziak
Gorrotoz bete dit bihotza
Track Name: Minaren mintzoa
MINAREN MINTZOA
(Musika: Jon Gurrutxaga / Hitzak: Xabi Lasa)

Mintzo da
Haizea mintzo da
Horman zehar
Mezu bat dakar

Ernai da
Ama ernai da
Altzoa sutan
Leihoratu da

Mintzo da
Mina mintzo da
Zauririk gabe
Barrunbetan
Erraietan
Track Name: Sugea
SUGEA
(Musika: Jon Gurrutxaga / Hitzak: Xabi Lasa)

Suge bat nahi nuke izan
Dudan azala aldatzeko
Zauriak eta orbanak
Ahaztu ta eranzteko

Beste ni bat beste gu bilakatzeko
Atzera zerotik abiatzeko
Gaurko hutsez atzokoa, igartzeko
Biok elkar erantziz...
Hemen banengo...

Suge bat nahi nuke izan
Zu isilka inguratzeko
Biraka niri lotu eta
Berriz elkar irensteko

Beste ni bat beste gu bilakatzeko
Atzera zerotik abiatzeko
Gaurko hutsez atzokoa, igartzeko
Biok elkar erantziz...
Hemen banengo...
Track Name: Txikia handi
TXIKIA HANDI
(Musika eta hitzak: Jon Gurrutxaga)

Zure soinuak hitzak dira
Bihurtu
Keinuak, laztanak, esaldiz
Apaindu

Txikia handi da zure ahotan
Iluna argi bihurtuz instantean
Zure negarra, gure mina
Irria bizitzaren sugarra
Etorri, hurbildu
Zatoz nigana

Itxi itzazu begi handi horiek
Laztana
Kolorezko lekuetara egin
Bidaia

Txikia handi da zure ahotan
Iluna argi bihurtuz instantean
Zure negarra, gure mina
Irria bizitzaren sugarra
Etorri, hurbildu
Zatoz nigana
Track Name: Zuganantz zabal bi esku
ZUGANANTZ ZABAL BI ESKU
(Musika: Jon Gurrutxaga / Hitzak: Iñaki Gurrutxaga eta Xabi Lasa)

Giroa ilun samar
Isiltasunak guztia hartzean
Dena astun, dena zama
Begirada etorkizunean

Apurtu nahi
Beldurtuko ez banindu bai

Sirenak gauean argi
Logelako leihoan itzal
Gaur ezer ez dut garbi
Biharamunik ez ezazu itzal

Hemen nago
Hemen naukazu, betirako

Nintzenak hartzen nau estu
Naizena zer den ez dakit orain
Zuganantz zabal bi esku
Bakea nahi dut minaren ordain

Orain, zer?
Atea itxi, ez beste ezer

Nintzenak hartzen nau estu
Zuganantz zabal bi esku
Track Name: Hitz lauz
HITZ LAUZ
(Musika: Jon Gurrutxaga / Hitzak: Xabi Lasa)

Betirako
Hitzak emanez elkarri
Mugaz handikoak
Ziren hitzen jabe
Betiereko
Ez garela jakin gabe
Denborak egin gaitu
Hitz haien mirabe

Hitz lauz
Eskatu nahi dizut
Izan gaitezke
Zu, ni ta baita gu ere
Nahi nuke
Orain, gaur, bihar, inoiz?
Gure mundua
Gaindituko duen ezer gabe

Esku hutsez
Jantzi behar zaitut
Letra xehez
Miatuz joan nahi dut
Zure barruan
Galtzeko astia hartuz
Haur eskuekin
Dena hartzen saiatuz

Hitz lauz
Eskatu nahi dizut
Izan gaitezke
Zu, ni ta baita gu ere
Nahi nuke
Orain, gaur, bihar, inoiz?
Gure mundua
Gaindituko duen ezer gabe
Track Name: Kontaidazu dantzan
KONTAIDAZU DANTZAN
(Musika eta hitzak: Jon Gurrutxaga)

Denborari so
Astiaren zai
Erloju orratzak
Gelditzea nahi
Joan ta banator
Hutsik ta ase
Besoak luze
Esperoan zaude

Kontaidazu dantzan
Hitzik gabe esan

Korapiloen
Amets artetik
Nazazu jaitsi
Esnatuarazi
Askatuz libratu
Berreskuratu
Zatiak osatu
Ekaitza baretu

Kontaidazu dantzan
Hitzik gabe esan
Begiradaz eman

Erritmodun pausoez
Atzean utziz denbora
Hasi daigun bidaia

Mugaren ertzetik
Oreka deszifratuz
Gabiltza biraka

Besarkatuz, elkar lotuz
Izoztuz gure ingurua
Bagoaz kulunka